ХАНШИЙН ӨСӨЛТӨД ИДҮҮЛСЭН ЦАЛИН ОРЛОГО
Ц.Санчирмаа
Jun 19, 2025
2 мин уншина
Сүүлийн 10 гаруй жилийн хугацаанд монголчууд бидний сарын голч цалин дунджаар 1.5 сая төгрөгөөр өссөн байна. Тодруулбал, 2014 оны эхний улиралд нэг иргэнд ногдох голч цалин сард 558 мянган төгрөг байсан бол 2025 оны нэгдүгээр улиралд энэ дүн 2 сая 245 мянга болж нэмэгджээ.
Энэ үзүүлэлтээс харахад цалин орлогын хэмжээ арван жилийн хугацаанд 4 дахин өссөн байна. Гэвч төгрөгийн ам.доллартай харьцах ханшийн сулралаас үүдэлтэйгээр бидний гар дээр авдаг мөнгөн дүн харагдаж байгаа шигээ өсөлтийг үзүүлж чадахгүйд хүрч, төгрөг үнэгүйджээ.
Арван жилийн хугацаанд юу өөрчлөгдөв?
Энд нэг жишээгээр илүү тодорхой тайлбарлая. 2014 онд голч цалин 665,400 төгрөг байхад нэг ам.долларын ханш 1818 төгрөгтэй тэнцэж байсан. Долларын ханшаар хөрвүүлэн тооцвол тухайн үед 665 мянган төгрөгийн цалинтай иргэн сард 336 мянган төгрөг авдаг байсан гэсэн үг.
2025 оны нэгдүгээр улиралд долларын ханш 3572 төгрөг байна. Дурдаж буй хугацааны статистик үзүүлэлтээр 2,2 сая төгрөгийн цалинтай иргэний орлогыг долларын ханшид хөрвүүлэн тооцвол тухайн иргэн сард дунджаар 630 мянган төгрөгийн цалин авдаг гэсэн үг.
Төгрөгөөр харвал сүүлийн 10 жилийн хугацаанд ажиллагсдын сарын голч цалин 1,5 сая төгрөгөөр өссөн дүнтэй байгаа ч энэ хугацаанд долларын ханш төгрөгийн эсрэг 1,770 төгрөгөөр чангарсныг хөрвүүлэн тооцвол голч цалин ердөө 437,800 төгрөгөөр өссөн байна. Голч цалингийн өсөлтийн нэг сая төгрөг нь ханшийн зөрүүнд идүүлж хөөс болжээ.
Цалин орлогын өсөлт нь бодит байдал дээр худалдан авалт, амьдралын чанарт нөлөөлж чадахгүй, хоосон тоо төдий зүйл болчихоод байна.
Тодруулбал, 2014 оны тавдугаар сард 1800 төгрөгтэй тэнцэж байсан ам.долларын ханш 2025 оны тавдугаар сард 3573 төгрөгтэй тэнцэж 2 дахин өссөн байна.
Сүүлийн арван жилд нэрлэсэн цалин 169 хувиар, хэрэглээний үнийн индексээр засварласан бодит цалин 31 хувиар, доллароор илэрхийлэгдэх цалин 17 хувиар өсжээ.
Цалин орлогын дүн хэмжээ сүүлийн 10 жилд өсөлтийн зам дээр чадах чинээгээрээ хурдалсан ч хичнээн хичээгээд ам.долларын ханшийн өсөлтийг гүйцэж чадсангүй. Үр дүнд нь та бидний авдаг цалин цаас болоод байна.
Нэвтрүүлгийг үзэх линк:
ТОЙМ ТОО “ХАНШИЙН ӨСӨЛТӨД ИДҮҮЛСЭН ЦАЛИН ОРЛОГО” энд дарна уу.
Сэтгэгдэл (0)
Сэтгэгдэл бичигээгүй байна.
Ц.Санчирмаа
1 followers
Ц.Санчирмаа
Jul 3, 2025
ОЛОН ХҮҮХЭД ТӨРҮҮЛЭХЭЭС ТАТГАЛЗАХ ИРЭЭДҮЙ
1980 онтой харьцуулахад нэг эмэгтэй нөхөн үржихүйн насандаа төрүүлэх хүүхдийн тоо 3 дахин буурчээ.
Ц.Санчирмаа
Jun 30, 2025
ХӨХ ТЭНГЭР СОНСОЖ БАЙ
Аргалын хөх дөлийн илч дулаан, агь гангын үнэр ханхийхийг энэ номоос мэдэрнэ. Тэр мэдрэмж заримдаа үр ач нартаа хайраа дэвсэх эмээ нарыг өрөвдөх хөнгөн зөөлөн гунигаар дүүрч, заримдаа нялх балчир ухаандаа ямархан ихийг тунгаан эргэцүүлэх хэрсүү жаалын түүхийг өмрөн ухаажих мэдрэмжээр солигдож, сүлж бодохуйд дүүрэн хайраар ивлэх болно.
Ц.Санчирмаа
Jun 24, 2025
ДУРСАМЖ ХЭЗЭЭ Ч СААРАЛ БАЙДАГГҮЙ
Одоогоос 4 жилийн өмнө эхэлсэн Орос, Украины хооронд үүссэн зөрчил мөргөлдөөн улам хурцадсаар буй өнөө цаг үед хоёр улсын хилийн бүсэд амьдардаг жирийн ард иргэдийн амьдрал ахуй хэрхэн хэлмэгдэн доройтож байгааг энэ номын үйл явдлаас харж болно.
Pluma -с санал болгосон
Пүрэв
Jun 24, 2025
Б.ӨЛЗИЙБАТ: МАНАЙ УЛС ЦАХИМ СОНГУУЛЬ ЗОХИОН БАЙГУУЛАХ БҮРЭН БОЛОМЖТОЙ.
Энэ талаар УИХ-ын Инноваци, цахим бодлогын байнгын хорооны ажлын хэсгийн нарийн бичгийн дарга Б.Өлзийбаттай ярилцлаа.
Амаржаргал
Jul 23, 2025
Энэтхэгээр аялсан нь
Монгол хүн бүрийн дотор Жавхлан байдаг гэдэг шиг миний үеийн шашингүй үзэлтэн гэх залуусын сэтгэлгээнд Бурхан багшийн сургаал номлол тодорхой хэмжээгээр байдаг болов уу? Энэ нь ч намайг Бурхан багшийн мэндэлсэн, гэгээрсэн, нирваан дүр үзүүлсэн түүхэн газруудаар аялах аялалд хөтөлсөн юм.
Ц.Санчирмаа
Jul 3, 2025
ОЛОН ХҮҮХЭД ТӨРҮҮЛЭХЭЭС ТАТГАЛЗАХ ИРЭЭДҮЙ
1980 онтой харьцуулахад нэг эмэгтэй нөхөн үржихүйн насандаа төрүүлэх хүүхдийн тоо 3 дахин буурчээ.
Ц.Санчирмаа
Jun 19, 2025
ХАНШИЙН ӨСӨЛТӨД ИДҮҮЛСЭН ЦАЛИН ОРЛОГО
Төгрөгийн ам.доллартай харьцах ханшийн сулралаас үүдэлтэйгээр бидний цалин мөнгөн дүнгээрээ харагдаж байгаа шиг өсөлтийг үзүүлж чадахгүйд хүрч, төгрөг үнэгүйджээ.